OLENTZERO

Kaixo lagunok !

Gabonak direla eta gaur sarrera berezia izango dugu, ADI ! 
 Bera Olentzero da,  Olentzero Euskal Herrian Eguberria eta Jesus Nazaretekoaren   jaiotza iragartzen dituen euskal mitologiaren eta folklorearen  eta pertsonaia da.
 Toki batzuetako kondairen arabera, azken jentila ere bada. Olentzeroren antzinako jatorria paganoa  da ordea,  neguko solstizioko ospakizunetako pertsonaia, non urte zaharraren amaiera eta urte edo eguzki berriaren etorrera ospatzen diren. Tradiziozko ospakizunean, urte zaharra irudikatzeko, Olentzero itxurako panpinak ikazkin zikin, arlote, edale eta jatun bat irudikatzen du eta kalez kale eta etxez etxe eramaten dute andetan haur eta gazteek, eskea eginez. Beste batzuetan, ordea, Olentzero moduan mozorrotutako gazte bat da lagun-taldearekin batera doana, eskea eginez betiere. Toki batzuetan kondaira eta abestietan bakarrik aipaturiko pertsonaia izan da. Gehienetan Gabon gauean , abenduaren 24an, ospatzen da Olentzero. Egun, mundu zabaleko  Bizarzuriren antzeko ordezko pertsonaia bilakatu eta, hark bezala, haurren gutunak jaso eta opariak banatzen ditu, askotan pertsonaia bizi moduan. Sekularizazioari jarraiki, kristau izaera ere galdu du; aldi berean, ordea,Euskal Herrian eguberrietako pertsonaia nagusia izaten jarraitu du euskal identitatearen ikur garrantzitsu moduan.